|
CENTROS TECNOLÓXICOS
Novas
02-02-2009 Inauguración dun novo centro da Rede de Dinamización en Lugo
O luns, 2 de febreiro, inaugurouse un novo Centro de Dinamización da Sociedade da Información en Lugo, que se ubica na Praza da Milagrosa, 7, baixo. O acto, que se celebrou ás 12.45 horas, estivo presidido por Fernando Blanco, Conselleiro de Innovación e Industria. Tamén asistiu Ramón Cortés, Delegado da Consellaría na provincia de Lugo e Xosé Luis Villasante, Xerente da Fundación para o Fomento da Calidade Industrial e o Desenvolvemento Tecnolóxico de Galicia.
O Centro de Dinamización da Sociedade da Información de Lugo está totalmente equipado para que o persoal dinamizador da Rede de Dinamización poda achegar á poboación as Novas Tecnoloxías. O novo centro acollerá diversos obradoiros de índole tecnolóxica variada, como poden ser de iniciación á Internet, á Informática ou a outras ferramentas.
O horario de funcionamento da aula será o seguinte:
- Luns a xoves: de 10.30 a 14.00 horas e de 16.00 a 20.30 horas.
- Venres: de 9.30 a 15.00 horas.
Premiados no II Concurso de Iniciativas
Logo do acto de apertura do centro, procedeuse á entrega de 2 dos premios do II Concurso de Iniciativas. Na categoría de “Poboación xeral” resultou gañador o proxecto “Tradición dos ferreiros de Riotorto”, levada a cabo pola Rede en colaboración co Concello de Riotorto, e da que se encargaron os dinamizadores Vanesa Pérez Álvarez, Alejandro Rancaño Herrán, Mª del Camino Rando García.
Na categoría de “Persoas con discapacidade”, o premio foi parar a “CONCIENCIA-T: Coñecendo e rachando as barreiras”, levada a cabo pola Rede en colaboración con ASORLU (Asociación de Persoas Xordas de Lugo) e coordinada por María Francisca García Correa e Emilio González Carballo, dinamizadores da Rede. Consistiu na creación dun espazo web dedicado ás barreiras de comunicación que existen na sociedade.
Buscador
Se o desexa, pode emplegar o seguinte buscador para refinar a súa búsqueda.
